25 urteko ibilbide oparoaren ostean, Gatibu rock taldeak agertokiak utziko ditu. Pelikula honek azken bidaia horretan bidelagun izatera gonbidatzen gaitu. Dokumentalean zehar, taldearen agur-birako mugarrietan murgiltzeko aukera izango da: kontzertuak, errepidea, topaketak… baina baita etapa bat ixteak dakarren emozioa azaleratzen den gune intimoagoetan ere.

Bira baten kronika hutsa baino gehiago, denboraren iraganari, adiskidetasunari, norberaren eta taldearen bilakaerari eta agur esaten jakitearen ausardiari buruzko istorioa da hau.